曼聯專區小評：輸波唔緊要，建立默契更重要！ 精選

昨晚是曼聯八年以來第一次開季首戰輸波，爵爺梗係唔係咁高興啦，而筆者自己同大家都一定唔係咁高興…至於輸波，爵爺認為係臨門一腳唔夠好：
「今場波好多關鍵時刻，好似卡華利射空門被擋出咁。整體而言，我哋嘅攻擊已經好到肉，差在無法轉化為入波，所以真係有啲失望。原本好期待雲佩斯嘅表現，不過我哋未能真正展現佢嘅能力。」
韋碧克同雲佩斯！邊個勁啲？
睇完場波，筆者有兩個好強烈嘅感覺，第一個係香川真係好有年青史高斯的影子！走位交波都非常穩健，保護皮球的能力亦好高，最致命嘅係佢洞悉比賽嘅能力好高，好多時都交到好獨到嘅波，假以時日建立默契之後一定會係曼聯嘅中前場大腦！

不過另一個感覺就令人擔心啲，就係整體曼聯人腳都係單薄，好似中場入面香川同卡華利都係被人一撞就彈開，身體對抗性唔高；迪基亞單薄亦都好明顯，甚至連維迪都好似瘦咗一個碼咁！英超的衝撞好激烈，加上高空波亦多，單薄嘅體型令曼聯昨天受制於愛華頓強大嘅搶截力同高空攻勢入面，輸嗰球，正正就係費蘭尼步大力雄打贏單薄嘅卡域克引致。所以紅魔要掌握好致勝節奏，首要就係識得如何避過對手強大嘅身體優勢，而出路就係用更多嘅短傳同小組入楔。依家有哂硬件，香川、朗尼、雲佩斯打小組都好灑家，威力有幾大就睇佢哋有幾夾喇！
單薄都係單薄
如果有你在紅魔陣中，就撞得啦！