冰之風暴前夕？？(附雲佩斯精彩影片！) 精選

早兩日爵爺大發脾氣，因為自己好鍾意嘅夏薩特去咗車路士之餘，心頭好盧卡斯又被巴黎聖日耳門以銀陣攻勢搶走，令爵爺今季的買人計劃一波三折。不過既然買唔到夏薩特、又唔駛用3千萬磅買盧卡斯，令曼聯的買人預算又鬆動唔少，大家都認為爵爺將會對下一個目標志在必得；冰之子雲佩斯！
大家好！
爵爺接受訪問時親口確定咗買入呢位「槍王」的決心：「對雲佩斯，現階段我無咩可以透露，只可以講我哋出咗價俾阿仙奴，不過佢哋亦同其他球會傾緊。現階段我真係無法估計事情會點發展，甚至係佢哋點諗我都無辦法估到，因為阿仙奴一啲消息都無發放出來。不過我真係好希望可以如我哋所願啦！」
說好了的雲佩斯呢？
如果傳聞係真，雲佩斯就會得到同朗尼一樣高嘅薪金，對冰之子而言係前所未有咁高人工過…而主要的轉會對手中，文仙尼已經親口承認難得到冰之子的青睞；而另一對手祖雲達斯亦因為薪水問題放棄競逐，曼聯成功的機會因此被睇好。筆者亦認為爵爺買佢的決心好大，因為上屆失落英超冠軍的曼聯急需立即可用的戰力，而上季表現出眾的雲佩斯就可以合符呢個即買即用的原則。加上季前熱身賽中紅魔盡顯防守力強悍的一面，不過始終攻力不銳，有必要增添一位禁區之狼。種種跡象，都係指向冰之子入魔，今次睇嚟有好戲上演了。
我係到！http://www.youtube.com/watch?v=Nvgvxn-wu1Q大家睇佢表演啦！

題外話，訪問中爵爺亦有咁講：「我感到好意外，有球會竟然出4千5百萬歐羅去買一個19歲的球員去昭示佢哋嘅存在，真係好得人驚。買咗伊巴謙莫域同泰亞高施華之外仲有咁多錢，我估佢哋最少用咗1億5千萬歐羅…可以阻嚇佢哋嘅睇嚟只有歐洲足協喇。」究竟點先可以為正邪定分界呢？
c朗都係8000萬磅...4500歐羅，你話抵唔抵？