哪位奧運猛將有資格成魔？(附摩根絕殺片段！) 精選

近排人人都追奧運啦，如果可以俾你揀其中幾位猛將成為曼聯的球員，你會揀邊個？
筆者首選，當然係曼聯的忠實粉絲飛人保特啦！幾年前，他就已經去過曼徹斯特探曼聯班，仲同當年仍在陣中嘅基斯坦奴朗拿度交換心得，令原本跑得唔慢嘅C朗跑得更快！(甚至喺曼聯跑走咗跑咗去皇馬…)而佢今年倫奧贏咗百米金牌之後，甚至向外界透露想成為紅魔鬼：「次次我話想打曼聯，人人都認為我講緊笑。其實我好．認．真！如果費sir打電話俾我叫我試腳，我點可能拒絕呢？。
探班！探班！無難度嘅挑戰我無興趣，所以踢波對我而言係一個好好嘅挑戰！我跑得快，腳法都唔錯，我深信自己可以為曼聯帶來新衝擊！」今年佢只係26歲當打之年，如果買咗佢，筆者敢寫包單英超無人夠佢跑！
咁你又唔好咁揚！雖然真係無人夠我跑！

而次選呢？不如揀美國嘅阿力斯摩根（Alex　Morgan）啦！佢係邊個？23歲嘅摩根高173cm，司職前鋒，剛剛於昨天的奧足比賽補時階段，替美國入波絕殺加拿大，實力無庸置疑！而最大的轉會障礙，可能係呢樣：佢係女仔！仲幾靚女添！不過點解會揀佢？因為佢都係曼聯迷囉！如果「費sir打電話俾佢叫佢試腳，佢點可能拒絕呢？」哇...
加盟的話，波衫都會好賣啲！我講緊...呢一件！
http://www.youtube.com/watch?v=8TTVF3_3JBU摩根點樣絕殺加拿大？一齊去片！