爵爺大預言：今年小豆爆Pea呀！(附小豆精彩入球剪輯！) 精選

今季係小豆成魔的第3年，佢第一年入隊的出色表現令大家對佢耳目一新，而且粉絲急增，今時今日出街見到有人著曼聯波衫，好多都係印小豆個名。不過上季因為傷患關係，小豆狀態一直麻麻，甚至俾韋碧克搶埋個正選位置，實在是令人婉惜。不過爵爺就拍哂心口，話小豆今年一定爆seed…唔係，係爆pea！
呢位...咁熟口面嘅？
佢咁講：「我有信心今季小豆會有好表現。之前四、五年前佢都打足成年，暑假都無得休息要幫國家出賽。今年墨西哥國家隊好體諒我哋，俾小豆好好咁休息咗一段時間。佢抖咗幾耐？5月就開始喇，Harry Gregg紀念賽佢都已經放假架喇。佢要一段真真正正的休息時間，其間雖然同墨西哥國家隊打咗幾場波，不過之後又抖過。呢個回氣的空間對佢而言好重要，我哋喺季前訓練已經感受到休息為佢帶嚟嘅好處。我敢講，佢今季一定有好表現！」
咪...我嚟架囉！
新一季暫時未有新前鋒加盟，不過一眾小紅魔的進步大家都有目共睹，好似馬捷達熱身賽有入波、碧比同香川擦出火花，再加上朗尼、韋碧克，今季的前鋒線人選其實幾難決定。如果貝碧托夫唔轉會，仲有多一個選擇添！所以小豆一定要加把勁先得架！大家都睇好你成為曼聯第二前鋒架！
新一季睇佢表現！
http://www.youtube.com/watch?v=UGsPIYFrscw小豆啲入波真係睇極都唔厭！