曼聯波衫要換字喇！ 精選

134年以來，曼聯的波衫上只係出現過四個唔同的贊助商，不過好快就有第5個喇！繼AON之後係邊個？就係美國的汽車公司泰斗，通用汽車公司旗下的雪佛蘭Chevrolet喇！
上次去上海都有雪佛蘭出現架！
公布呢個消息嘅係曼聯的商務總裁Richard Arnold：「今次呢個贊助傾得成，對曼聯而言係一個好長遠、好有利嘅合作。我哋都唔係第一次合作喇，雪佛蘭依家都係我哋嘅官方汽車贊助。合作咗短短6星期，佢哋已經同曼聯傾咗好多，有好多新思維，佢哋嘅商業計劃對球會同6億曼聯球迷都好有幫助！所以今次我哋毅然接受佢哋嘅球衣贊助，希望令更多球迷可以愛上曼聯。」

呢個合作關係將會持續7年，所以由2014/15年度的球季開始AON再唔會喺紅魔波衫上出現，取而代之嘅就係Chevrolet喇。所以大家中意AON嘅話，就要快手買波衫喇！
2010年
2011年2012年即係...仲有13年的版本！

曼聯波衫贊助商簡介：

Aon Corporation，又稱怡安集團，為保險業集團公司，亦有提供人力資源諮詢服務，由2010年6月起取代AIG成為曼聯波衫贊助商。

Chevrolet雪佛蘭，是1911年成立的汽車公司，原本是通用汽車公司分拆出來的公司，然而因為雪佛蘭購入大量的通用汽車股票，雪佛蘭的老闆成為通用汽車公司的老闆，而雪佛蘭亦隨即併入通用汽車成為其品牌之一。雪佛蘭僅2004年一年便銷售了360萬部車，約佔全球汽車銷售總量的5%。