舒米高返嚟喇!(附舒米高影片)

曼聯專區 於 30/07/2012 發表 收藏文章
講到曼聯的鋼門,你會諗起邊個?雲達沙?迪基亞?巴夫斯?係喇係喇,數漏最重要嗰個舒米高喇!講起呢位神級門將,佢嘅成就真係唔弱架!1991年到1999年效力曼聯,其間共得5次英超冠軍、3次FA Cup及1次歐聯殊榮,講到紅魔龍門,佢同雲達沙可謂一時瑜亮!

離開曼聯13個年頭之後,呢位老大哥終於返嚟奧脫福喇!當然唔係復出啦,舒米高將會出任曼聯大使,為球會出席不同的活動、宣傳球會,而且仲會喺不同場合分享效力曼聯時的故事,延續佢喺曼聯嘅生涯!對成為曼聯大使,舒米高咁講:「我好榮幸可以擔任此職,喺曼聯我過咗好多年開心嘅日子,亦取得唔少體育生涯中最重要嘅成就,所以我真係好高興可以做曼聯場大使!

未來嘅日子我期待與一班老朋友再次攜手合作,同新一代分享經驗、再次追上佢哋嘅步伐。」今次有舒米高做大使真係唔意外架,因為好多曼聯大使都係大家耳熟能詳嘅紅魔名宿,好似卜比查爾頓、白賴仁笠臣、加利尼維利同高爾等等,唔知今次舒米高答應做大使,之後會唔會心癢癢,再參加多啲紅魔嘅職位呢?
歡迎我嗎?
加利仔:搵舒米高好唔好呀?查爾頓:有咩唔好?梗好架!
http://www.youtube.com/watch?v=32bK9BfxFMQ一齊緬懷下鋼龍的風采啦!
標籤: 舒米高  

留言


請按此登錄後留言。未成為會員? 立即註冊
    快捷鍵:←
    快捷鍵:→