香川真司訪問，話紅魔球員對日文都好有興趣... 精選

晌對上海申花射入唯一一個入球嘅香川真司，近排就啱啱接受咗訪問，同大家大談晌曼聯嘅新生活…依家專區就同大家一齊睇下呢位新紅魔晌新球會過成點喇…

晌對上海申花射入唯一一個入波嘅香川...

問：由加盟至今，有咩令你留下最深刻印象？
答：最令我留下最深刻印象嘅，就係球迷晌場內對我哋球員嘅熱烈歡迎，以及支持者見到我哋所作出嘅反應。我成功加盟咗一間大球會，好想晌呢到取得一啲成績，所以我會晌呢個宗旨之下為球隊踢波，要取得好嘅成就。曼聯晌全球有咁多球迷，亦因為咁，我感覺為球隊取得好成績，係好大嘅責任，相信我每一日都會記住。

問：你覺得曼聯同多蒙特最大分別係咩呢？
答：當我去到南非同中國嘅時候，見到有咁多紅魔球迷，佢哋嘅吶喊聲，絕對令我感到好驚訝！呢一點令我明白到曼聯嘅球迷，世界各地都有，從而得知曼聯嘅規模有幾大，能夠成為球會嘅一份子，我覺得好驕傲同幸運。


問：費Sir曾經公開表示過，儘管依家你唔識得講同聽英文，但你晌訓練期間，都理解得很快，你自己又點睇?
答：我好清楚知道自己晌訓練中要做啲咩，因為大多數足球訓練或者戰術，都好易理解，我知自己晌這一刻嘅英文講得唔好，所以我會好好努力學習，咁就可以令我快啲同我嘅隊友溝通。
問：咁你依家主要同咩隊友溝通？
答：隊中南美球員，好似安達臣同華蘭西亞，都經常友善地同我談話，對我適應紅魔嘅生活，有好大幫助，安達臣仲要求我教他一些日文。

問：咁你又教咗佢咩日文呢？
答：我教咗他ore kakkoii呢句日文， (即係“我好COOL”或“我好靚仔”嘅意思)，好高興睇到大家都對日本感興趣。



問：作為第一位效力曼聯嘅日本球員，感覺又係點呢？
答：我唔會為咗呢咩樣去突然改變自己嘅踢法，作為一個足球員，我相信大家欣賞我，並唔係因為我係第一位效力曼聯嘅日本球員，而係我晌場上嘅表現，呢個相信亦都係我可以加盟曼聯嘅原因——我晌德甲多蒙特已經以我一向嘅進攻態度踢咗兩年波，我希望嚟到曼聯，都保持呢種進攻態度——就係要入球，同埋為隊友交出助攻，只要我同隊友嘅默契有所改善，我相信我嘅經驗，可以幫助球隊同時，亦可將我一向嘅進攻態度，發揮得淋漓盡致。

問：咁係今季嘅目標又係咩呢?
答：對我嚟講，每一日都好重要，我感覺我必須晌每場比賽都要做出好成績。如果我晌一場波入面踢得好，但下一場波就KEEP唔到好表現，大家都會對我取得劣評，所以我希望晌到成為一名成季都保持好表現、可以幫助到球隊嘅球員，要將我呢個目標實現，我認為最重要就係要晌比賽入面上陣。
香川晌曼聯一定有好表現喇，各紅魔實十卜你!!!