睇紅魔對申花的六大期待！

今季爵爺無咩大手買入，只係添置咗香川、包維等等有潛質嘅球員，不過到今日佢哋嘅表演賽表現都好似仍未如理想。然而爵爺唔會俾呢個情況繼續落去，因為新球季已經唔遠！如果再唔建立好信心，開季的路就會難行啲，所以今晚對申花嘅賽事如果有以下嘅亮點出現，一定令曼迷安心好多！

期待一：香川處子入波！
上仗對阿積士，香川真司終於以正選身份為曼聯上陣，表現雖然未係最好，不過都已經得到該賽事嘅man of the match，仲有球波中柱！大家都知道佢好有射門欲，加上進攻中場的身份都令佢有多啲機會，如果今仗佢有波入，一定係一支強心針，幫佢快啲融入球隊！乖呀！企定定俾我射爆佢！快啲入波啦！
期待二：安達臣快啲返嚟啦！
安達臣真係令人又愛又恨，打咗好耐都好似未上到力；上季終於守得雲開，不過又受傷影響上陣機會。今季如果佢可以打出好表現，咁就可以接替到費查做紅魔嘅新中場發電機！唔知今場波有無機會俾佢表演呢？唔好咁愁！俾心機！

期待三：轉陣！講就講咗好耐曼聯要打4231先係出路，唔係好難對抗到巴塞、皇馬等等以搶截中場而聞名於世嘅歐洲強隊。不過好似真係未見曼聯試4231，或者433的比賽陣式。唔知今場有無得睇睇？轉陣？人人都要跑多步架！

期待四：我要入波騷！
到今日，紅魔的賽前熱身賽都好似就住打就住打咁，一眾青年軍好似唔敢表現自己，以致攻擊力疲弱。所以一場好多入波好多射門嘅比賽係有必要！希望今場就係展現攻擊力嘅一場好波啦！
期待五：華麗攻勢！
而入波好多波之外，筆者亦希望見到其中有華麗入球！咩叫華麗？好簡單，朗尼嘅霸王倒掛、同韋碧克一同展示嘅撞牆入波就係喇！呢啲入波唔單止令球迷睇得開心，仲可以大大增強球員嘅信心同狀態，你話喇，係唔係非常期待先？
幾時再有靚入波睇呢？今晚？