費SIR：就算退休 曼聯王朝仍在 精選

上年球隊四大皆空，今年當然銳意贏返個聯賽冠軍返嚟喇，依家先後已經買咗鮑維同埋香川真司，仲落實出咗價買尹佩斯，實行今年一定要贏返個盃…

近兩場熱身賽，年青人有落場機會，話晒佢哋都係曼聯未來嘅資產。執教曼聯25年嘅費SIR就對佢哋好有信心，仲話就算自己退休，曼聯王朝仍然長存，佢話喇：「始終有一日我都會退落嚟，但曼聯已有很好的機制，又有悠久嘅歷史，加上全世界各地都有球迷支持我哋，所以日後球會只繼續不斷咁進步落去。」

費SIR一早已將英超冠軍，作為今年最重要目標...

至於講到接班人問題喇，費SIR就話一定會搵到接班人，事關每個被邀請嘅領隊，就算面對費SIR之前咁風光嘅成績，都唔會因怕未能交出成績而SAY “NO”，事關能成為曼聯教練，係每個人夢寐以求嘅工作。

費SIR表示，「曼聯有咁好嘅基礎同架構，日後我嘅接班人，有呢方面嘅支持下，絕對唔洗怕唔可以延續曼聯皇朝。我相信晌現時嘅工作需求方面，管理層一定會選一個有經驗嘅領隊接手，同時佢亦唔會拒絕有得教曼聯嘅機會。」

執教曼聯25年，費SIR為曼聯建立了一個好好嘅基礎，帶領曼聯日後繼續步向成功...

「曼聯有咁好嘅訓練設施，同埋有好多好有潛質嘅年青人，佢哋日後晌曼聯必定發光發亮，日後佢哋嘅發展，未必需要跟住我依家教嘅一套，相信佢哋有能力可以踢出自己風格，繼續為曼聯贏得好成績。」

日後邊個成為費SIR接班人都好，費SIR認為曼聯唔會退落嚟...