貝碧轉投AC??? 精選

貝碧托夫離隊嘅傳聞，可以話由轉會窗第一日開始，就傳到依家…當大家都以為佢今個夏天要走嘅時候，費SIR又出嚟講話，貝碧托夫下一季都會繼續晌曼聯呀…好喇，之後貝碧自己又親自話佢雖然鐘意曼聯，但無正選踢，佢就想走，所以就有傳佢外借去到韋斯咸…到咗呢幾日，佢經理人就出嚟講，話貝碧好願意加盟 AC米蘭…

昨晚有一個助攻嘅貝碧托夫...
AC米蘭想買前鋒就係人都知，事關佢哋啱啱賣咗伊巴去巴黎聖日耳門，但有傳佢哋睇中嘅，係曼聯死敵曼城嘅前鋒孖寶 迪斯高 同 泰維斯，但貝碧托夫經理人就講喇，「貝碧托夫可以隨時離開曼聯，佢好鐘意意甲，所以佢最想去嘅地方就係意大利，我知AC米蘭同祖雲達斯都想搵個前鋒，但依家只可以講嘅就係，依家有兩間大球會都想要貝碧托夫，但我可以坦白咁講，貝碧托夫比較想去AC米蘭，因為呢間老牌球會，已經睇中咗貝碧托夫好耐，相信佢哋好快就會同曼聯就轉會一事展開會面…」

佢下一場又會唔會代表曼聯上陣 ? 定係已經去咗同其他球隊傾轉會???

費SIR來季都保證唔到佢會俾多啲機會貝碧托夫，咁大家又點睇貝碧想轉會AC米蘭一事呢?