里奧：香川老師，你好！

香川真司真係好順得人意噃，一落機無耐就得到曼聯當地球迷嘅歡迎，仲立即虜獲隊友嘅心！第一個對佢傾心嘅係邊個？咪就係里奧費迪南囉！
一班日本球迷等同鄉等咗好耐喇！
點樣先可以令里奧傾心？其實好簡單，你肯教佢新技術佢就會睬你架喇！咁香川教佢咩呢？唔係腳法、唔係球技，而係日文呀！香川真係好勤力，飛抵英國之後立即就去到曼聯位於卡靈頓(Carrington)嘅訓練場參與集訓，希望早日同球隊融合無間！不過佢練波之餘，仲抽空教咗里奧一陣日文添！而里奧都好興奮咁喺twitter到分享，話佢識用日文同香川打招呼喇！
香川老師，你好！
呢位日本國腳對自己喺曼聯打穩陣腳顯得信心滿滿，在大阪上機時已經同傳媒表示自己會全力爭取正選上陣嘅機會。至於幾時第一次披上紅魔戰衣？下星期去南非表演賽時就有機會見到佢喇！
下年曼聯巡迴慶祝，到時實有你份啦！