「星仔」臨別贈言：我會永遠掛住曼聯 精選

「星仔」朴智星昨日正式轉投咗昆士柏流浪喇，相信好多曼聯球迷到依家都未係好接受到現實，或者到依家都好唔捨得佢離開…

「星仔」朴智星昨日正式轉投咗昆士柏流浪...

而晌「星仔」離開曼聯之前，佢亦都向外表達咗對曼聯嘅心聲，表明佢自己都好唔捨得曼聯，仲話奧脫福會永遠長留晌佢心中。呢位結束7年晌奧脫福生涯嘅前南韓國腳講喇，「曼聯永遠都會晌我個心入面，能夠曾成為呢間最偉大球隊嘅一份子，同咁多出色嘅隊友合作同被最傑出領隊教導，對我嚟講，係無上嘅光榮。晌度我要多謝每一個晌曼聯幫過我嘅人，令我可以晌最佳環境下踢波同取得成就。」

曼聯永遠長留晌「星仔」心中...

另外，「星仔」亦都好多謝晌佢效力期間一直支持佢嘅球迷，佢表示唔會忘記受球迷愛戴嘅日子：「曼聯球迷一向對我都很熱情，呢方面我永遠都唔會忘記，我去期待自己晌QPR所接受嘅新挑戰，亦都希望曼聯在往後可以取得更大嘅成功。」

就連老大哥里奧費迪南都話唔係好捨得「星仔」走，佢就話喇：「佢多年嚟好受我哋隊友同球迷嘅欣賞，事關佢係一個唔會帶俾隊友任何麻煩，以及非常不自私嘅球員，好願意為隊友作付出，所以我對於佢軓會，都好唔捨得! 」

里奧都唔捨得「星仔」...

依家一齊睇下「星仔」呢七年為曼聯作出嘅貢獻：
http://www.youtube.com/watch?v=_CObjB5ZAPU