星仔轉投QPR? 精選

好喇好喇，今日又有最新關於曼聯嘅轉會消息喇，但今次唔係話曼聯買邊個呀，今次係賣人走…大家估下你邊個? 我諗大多數球迷估都無估過嗰個竟然係「星仔」朴智星，仲要英國多份報章都咁報導，全部統一去同一間球會，睇怕…

下季佢背後嘅，仲會唔會係呢個LOGO呢???

今日各大英國傳媒就寫喇，曼聯已經同意昆士柏流浪500萬鎊開價，目前朴智星正跟QPR方面商討個人條件，合約可能一簽就3年，周薪6萬鎊，仲估計下星期一至二，就完成呢項交易。

出晒名係「拼命三郎」或「巨三肺」嘅星仔，俾人嘅感覺就係有跑不完嘅氣力，又係搏，又好勤力，令到費SIR好鐘意一有大賽，就出星仔，晌中場做破壞工作，打亂對方中場，但外國報導就話，星仔晌呢方面嘅作用，已經大不如前，正如佢晌上年四月對曼城一役，費SIR信任佢，出佢，但已經不復當年勇，早早下半場就將佢退下火線，就可想而知星仔晌呢方面嘅功用實有退步之嬚，亦令費SIR清楚睇出星仔已經走下坡，所以依家QPR出價，曼聯的確可以考慮!!!
呢場波就係星仔要離隊嘅導火線???


另一方面，星仔被喻為開拓亞洲市場嘅搖錢樹，但各大英國傳媒寫到明，晌曼聯今夏引入香川真司後，完全可以代替星仔晌呢方面嘅位置，仲認為香川晌球場表現或市場價值上，都唔遜於呢位現年31歲嘅韓國球星。
星仔晌亞洲市場嘅威力，的確好大，但係唔係一有香川，就可完全代替???


不知呢位05年由荷甲燕豪芬以400萬鎊轉投曼聯、上陣205場射入27球嘅亞洲球星表表者朴智星，來季會繼續著紅色13號波衫，定係成為藍白間軍團其下一員呢，同法比奧達施華做隊友??? 大家又點睇呢單消息呢???
星仔晌曼聯贏過4次聯賽冠軍...