蘭尼唔通想踢南華？？ 精選

點解咁講？因為佢話足球唔係得英國同西班牙！蘭尼話，曼聯開俾佢嘅新約麻麻地，考慮離隊他投噃：「我打咗曼聯5年，咩盃都贏過哂喇。雖然我依家仲係好開心好滿意現狀，不過我唔知未來會點架。我會睇下有咩其他機會，因為足球唔係得英國同西班牙勁！其他國家都可以打出成就。曼聯份新約我就麻麻地接受，我同我經理人已經俾咗個新約建議佢哋，等緊曼聯回覆。
最後一刻先俾曼城攞到冠軍，真係好痛。我依家惟有打好啲歐國盃啦，始終我同c朗都係地球上最好嘅翼，葡萄牙真係有機架。」依家曼聯爭夏薩特爭輸，蘭尼又話唔留隊，唔係咁大年事呀嘛？雖然筆者認為蘭尼都係跳下草裙舞，想加下人工啫，應該就唔會真係離隊嘅。唔通真係去踢上海申花，甚至南華咩！