同過去幾年一樣，轉會市場同曼聯拉上關係嘅球員多如恆河沙數，夏薩特、摩狄、加坦、史奈達、祖維迪、小豬等等等等等。然而同過去幾年一樣，今年球迷都係一次又一次失望，眼甘甘見住夏薩特轉會車路士、望住當打的史奈達望到佢跌watt、望住超新星普巴去祖雲達斯…唔係因為曼聯的球迷唔夠多、名氣唔夠大，而係因為：錢唔夠駛。呢個現象由今季最有可能，亦可以係惟一一個轉會的球員身上可見：香川真司。
睇返香川真司的過去，佢其實同籃球超新星林書豪有啲似，一個平平無奇的亞洲人，當年只係以30萬英磅轉會多蒙特，一年人工都唔夠1百萬英磅。轉聞中曼聯會俾多雙倍人工香川，即係4萬5千磅週薪，相比起夏薩特10萬磅週薪仍係差成半。更加唔好睇轉會費：一個3千2百萬磅，一個1千7百萬磅。咁就睇得出，爵爺真係硬米煮硬飯，唔夠錢同車仔爭，惟有出手買個平啲。而諗真啲，史奈達送哂秋波都買唔到、摩狄的轉會成日都得個講字，都離唔開一個錢字。
我都要出山，就知幾唔夠錢駛...當然23歲仔嘅香川，肯學肯挨，態度謙卑都係佢嘅優點，而更重要嘅係曼聯依家兩翼之間欠缺一個中心人物，以速度同創造力幫球隊。而香川正正可以做到呢個作用，而且佢嘅進步空間亦令人期待。不過，真係買咗佢的話，筆者預計曼聯都唔會再點買人，最多買個左閘，然後平平哋買啲所謂「明日新星」嘅青年球員，就會再一次渡過令人失望嘅轉會市場。所以香川披上曼聯波衫的話，只係意味住一件事：我哋又無錢喇…
睇返香川真司的過去，佢其實同籃球超新星林書豪有啲似，一個平平無奇的亞洲人，當年只係以30萬英磅轉會多蒙特，一年人工都唔夠1百萬英磅。轉聞中曼聯會俾多雙倍人工香川，即係4萬5千磅週薪，相比起夏薩特10萬磅週薪仍係差成半。更加唔好睇轉會費：一個3千2百萬磅，一個1千7百萬磅。咁就睇得出，爵爺真係硬米煮硬飯，唔夠錢同車仔爭，惟有出手買個平啲。而諗真啲，史奈達送哂秋波都買唔到、摩狄的轉會成日都得個講字，都離唔開一個錢字。
我都要出山，就知幾唔夠錢駛...當然23歲仔嘅香川，肯學肯挨，態度謙卑都係佢嘅優點，而更重要嘅係曼聯依家兩翼之間欠缺一個中心人物，以速度同創造力幫球隊。而香川正正可以做到呢個作用，而且佢嘅進步空間亦令人期待。不過，真係買咗佢的話，筆者預計曼聯都唔會再點買人，最多買個左閘，然後平平哋買啲所謂「明日新星」嘅青年球員，就會再一次渡過令人失望嘅轉會市場。所以香川披上曼聯波衫的話，只係意味住一件事：我哋又無錢喇…
請按此登錄後留言。未成為會員? 立即註冊