究竟全球有幾多曼聯球迷？ 精選

答案究竟係咩？唔係好多，只係巴塞隆拿球迷嘅2倍，全球人口的10分之1之嘛！講實在啲，就係6億6千萬咁上下啦！
呢個研究係著名市場研究公司Kantar所做嘅，問咗54000名來自39個國家嘅受訪者，問佢哋中意邊一隊球隊。而目標國家入面，估計中國有1億8百萬曼迷、印尼有5千500萬、印度有3千500萬，而越南都有2千600萬！
中國fans好多架！
而研究發現過去5年曼聯的球迷數目增加咗1倍，單單係早前DHL贊助的訓練波衫已經已經係全球第四高銷量嘅波衫！曼聯的商務總監Richard Arnold 就認為，球迷越來越多係因為紅魔建基於好有代表性嘅隊伍風格同球員，而科技發達亦令11億人可以直播睇到曼聯的比賽，令我哋嘅朋友越來越多！所以當你好肉緊曼聯的比賽同人腳時，其實有6億6千萬人同你一齊肉緊！
為咗報答大家，我哋會努力！