艾夫拿：今年真係當黑 精選

對艾夫拿而言，今年的曼聯生涯是最難過的。先是被蘇亞雷斯歧視；之後哥哥死於心臟病；然後被拒握手；最後失落英超冠軍…諗返今年咁多事，佢都不禁嘆氣。「2月時對利物浦，要同蘇亞雷斯握手的一刻係我一生人中最大壓力嘅時候。上年10月佢對我做嘅事仲記憶猶新，要我同佢握手真係要好大嘅心理建設。俾著其他人，好多都會選擇唔理佢，不過我就決定試下面對，同佢握手。點知被拒絕嘅竟然唔係佢，而係我！之後佢仲腳腳狠，差啲整傷埋里奧。如果倒轉做同樣嘅攔截嘅係我而對手係蘇亞雷斯，我一定會被人認為我報復，俾人紅牌趕出場。」
惡運今年好似唔肯離開佢，其實上年10月時佢哥哥因為心臟病而去世，偏偏之後就係對曼城大敗6:1嘅賽事…「今年都唔知行咩衰運，我自己又好球隊又好，都係黑仔…我知實有人話我搵藉口嚟解釋無咗英超冠軍，而作為一個曼聯球員我都知咁講唔係好適當，不過我真係想咁講，因為呢個係事實。我唔想呃人，對我嚟講今年真係好難過。

人有時當黑真係無計，惟一可以做就係冷靜，同堅強啲。做人實有好事壞事發生，最重要都係睇你點去反應同處理。我好慶幸自己尚算表現得好，我以自己為榮。」唔好諗咁多喇艾夫拿，你一定要硬淨啲！下季法比奧外借，左後衛一職除咗你無人可以勝任架喇。要你背負咁多真係辛苦哂你，不過有成幾億球迷支持你，一定要堅強呀！只要我哋都有你呢種硬淨，下季一定可以重奪冠軍架！
有信心，咪可以報一箭之仇囉！下年靠你喇艾夫拿！