C朗：曼城令我輸錢… 精選

點解輸錢？原來C朗拿度雖然身在皇馬心在曼聯，走咗去買曼聯今季會贏英超！不過最後就係輸錢收場…佢咁講：

「我買咗曼聯贏英超，不過我輸咗…睇住曼城補時入2粒真係不是味兒…我非常失望，因為曼聯仍然常在我心間。無可否認，曼城已經成為一隊好神奇嘅隊伍，不過我認為曼聯先係英國足球嘅國王。你問我未來會點？無人知嘅，我喺皇馬係就係好開心，有好多好好嘅粉絲…好正。不過人就係咁複雜，就算係未來一兩年嘅事都唔會預計到！」有無搞錯...咁都追得返...
聽到佢咁講，連espn嘅編輯都認為C朗並唔排除自己回歸紅魔嘅可能性！C朗呢排成日向曼聯示好，唔通真係有返奧脫福嘅諗法？依家嘅C朗已經轉形為前鋒，喺曼聯無咗瀟灑哥同奧雲的前題之下，C朗返來加上朗尼嘅攻擊中場位置，曼聯嘅攻力又會增強好多！你又希唔希望佢返來再披紅魔戰衣呢？
C朗：仔仔，我哋返英國好唔好？我搵史力加叔叔同你玩呀...朗尼：係唔係返來先？
唔好玩我哋噃！