星仔：我會喺曼聯打到掛靴！ 精選

曼聯隊中亞洲球員唔多，不過貴精不貴多，好似朴智星星仔就係爵爺睇咗好耐先出手買入，表現非常對辦的其中一位。下一位出色的亞洲紅魔唔知會唔會係大家期待已久嘅香川真司呢？
講返今季與冠軍擦身而過，星仔感覺到非常的痛心：「呢個球季真係好令人失望，對我同對成隊曼聯都係…不過過去的就由佢過去啦，我哋要展望將來！球季結束，我要抖下，咩都唔諗一段時間，再努力為紅魔上陣。會唔會留喺曼聯？老老實實，我真係著住紅魔波衫打到退休架！」星仔今季跌跌哋watt，可能同佢出場次數有關，聯賽出得10場，仲要7場後備上陣，不過都入咗兩球架！而FA Cup、歐聯、聯霸都有佢份，可見爵爺都有心俾佢做盃賽的主力，而對曼城的比賽正選上陣更顯出爵爺對佢嘅信任。喺費查仲病緊嘅期間，曼聯中場入面星仔嘅攔截能力同活力確係好重要！你又點睇星仔嘅「退休宣言」呢？