爵爺飛德國睇香川真司

尋晚德國盃大家有無睇呢？無睇唔緊要，可以去球迷世界睇返精華！不過有個人就有睇足全場，就係爵爺同佢個助手費倫喇！睇波就未必，睇香川真司就係真嘅！今次親探香川表現，可能就係爵爺的「最後驗貨」，如果對辦就出手架喇！而呢位日本國腳亦不負眾望，在今季歐聯決賽最後兩強之一的拜仁身上取得入波，助攻助守表現出色，助多蒙特5:2擊敗拜仁！

賽後被問到曼聯的注意，佢就話：「曼聯絕對係偉大球會，不過我的未來去向尚係未知之數。」不過佢嘅隊友曉姆斯就認為今夏香川必走：「香川是世界級球員，不過老老實實，我唔預佢會留隊囉。佢要留，一早續約啦！不過無咗佢都無問題嘅，蜜蜂軍團自有新血。」
爵爺親探、隊友預佢走，佢又放風自己有機去曼聯，香川成魔的機會都唔細！不過會唔會好似夏薩特咁最後俾人強奪？咁就係未知之數喇…
費倫：呢個日本仔幾好噃！爵爺：係？我睇下先！