紅魔迷，把握最後機會去「曼聯吧」喇!!!

相信好多球迷想出去睇曼聯比賽，大家一定諗到去曼聯餐廳，話晒都算有少少香港曼聯主場呀，去睇波確實唔同啲!!! 但呢間開業近兩年嘅餐廳，尋日晌官方 facebook網頁宣佈，因合約期滿，下月 20日「光榮暫別」。
為咗等各位香港紅魔迷可以把握最後機會去餐廳，留念一下，由今日至下月 20日舉行「最後朝聖月」，球隊吉祥物 Fred the Red會晌每晚 9點至 10點晌餐廳坐鎮，另外，餐廳對紅魔迷都好好，地下間SHOP全線都會大減價，店內嘅球員珍貴照片同各類裝飾精品，都亦可議價選購。