朗尼、韋碧克重現約基、高爾入波！(有片！) 精選

球場有咩兄弟？就係夾過傷風葯嘅戰友囉！之前同大家分享過華倫西亞同拉菲爾的深厚友誼，今日同大家講下歷代最佳入波拍檔！

根據數據，英超最恐怖的前鋒組合，係高爾同比士利！不過講緊嘅唔係高爾效力曼聯時，而係打紐卡素，93至94年的球季佢哋總共製造咗55個入波，真係恐怖！不過，當年英超打22隊共42場波，狀態好、入波多過依家都係可以理解嘅！
高爾同比士利！
接下來，就要數2009-2010嘅藍戰士！事關主角係魔獸杜奧巴同林柏特！已經打38場波嘅英超入面，佢哋竟然合共入咗51球！無論打442、451，杜奧巴都身處前線位置攻堅，一有機會林柏特就後上入波，其實佢哋嘅攻力絕不比高爾同比士利差。

之後就到曼聯組合喇！不過神奇嘅係，唔係朗尼、唔係貝碧，而呢個組合已經唔會再係曼聯見到：竟然係迪維斯加c朗拿度！佢哋07-08球季共入45球，當年朗尼都係入得12球！大家可能都會記得，嗰時朗尼幾咁無私奉獻，不斷俾機會兩位好朋友！
會唔會再喺奧脫福有機會見到佢哋呢？
不過無啦啦點解突然睇球場好兄弟？因為上場對愛華頓的賽事雖然和波收場，但大家都應該見到曼聯的新組合朗尼同韋碧克有好多火花，尤其第四個入波就係你彈俾我我彈俾你入嘅，令人不其然諗返起約基同高爾98年時對巴塞時嘅入波！大家不妨比較下：
http://www.youtube.com/watch?v=-AEiJKH7mzQ先睇約基同高爾！
http://www.youtube.com/watch?v=bNrPVvCRHx4再睇朗尼同韋碧克嘅入波！
當年黑雙煞令人聞風喪膽，都試過一季共入39球波架！今日見到呢個精彩入球重現，唔知係唔係意味黑雙煞重臨紅魔？惟一唔同，可能係朗尼唔黑，仲有啲白添…下場就睇你兩兄弟再表演，打比揚威喇！
靠你哋喇！