曼聯的新傷舊患…

球員有新傷舊患唔奇，點解球隊都有？其實筆者係想講「新傷球員」普巴，同「久傷球員」安達臣！普巴雖然同祖雲達斯拉上關係，不過爵爺好似對佢好有信心，俾佢後備出陣，而預備組賽事都有佢份，不過好唔好彩星期一對紐卡素的預備組賽事佢就傷咗，呢季都要休息喇…
傷唔係好事...不過如果傷咗過唔到老婦人體測，又係唔係好事？
而另一個「久傷球員」安達臣亦證實今季已無緣綠茵場，今季只出陣16次嘅佢，11月之後只係見過佢4次，成日都要陪「容易受傷的奧雲」…而爵爺自己都好驚佢步奧雲後塵：「安達臣24歲仔已經成日傷，我真係好怕佢繼承奧雲隻玻璃腳…安達臣潛力真係好大，大到佢自己都未完全認識自己有幾強大、有幾多可能性。如果佢可以擺脫傷患，前途一定無可限量」
痛痛痛痛痛....痛死人咩...