容易受傷的男人：我好返喇 (附奧雲影片)

曼聯除咗錢多，仲有咩嘢多？無錯，就係前鋒多…有朗尼、小豆、韋碧克，仲有瀟灑哥、馬捷達，試諗下點先出得哂呢6大前鋒？無錯，係6大，因為仲有一個：已經復操嘅奧雲仔！而且爵爺仲好信佢，同傳媒講：「話唔定嚟緊呢幾場波佢會入到關鍵入球！」
奧雲：多謝支持
唔覺唔覺，原來奧雲都差唔多傷足成季，人人都唔係好記得佢，但好奇怪地無7號上場嘅曼聯大家又無咩感覺咁噃！簡東拿又係7號、碧咸又係7號，c朗都係7號，突然唔見咗7號成年大家都無咩感覺，會唔會係…佢真係可有可無？
哇...有光環架...(佢未死，放心)佢都有光環！銀河光環！

爵爺好明顯唔係咁諗，佢話：「奧雲已經隨一隊訓練咗成個禮拜喇！當然係好消息啦，星期日佢雖然仍未出得，不過對曼城的比賽應該無問題！我話嘅，如果即將有一個球員喺呢個階段攻入一個關鍵入波，我會話你知係佢！佢唔弱架，不過傷親都唔係輕傷，要成幾數個月去好返，咁只係運仔唔好啫！奧雲仔仲好出色架，你唔係睇唔到呀化？」
佢出色我哋知，不過奧雲仔有名「容易受傷的男人」都係人人知噃…「不要不要　不要傷來傷去，請珍惜他的腳」，咁打法都幾大件事…其實奧雲入到波筆者都好開心嘅，一方面佢真係唔錯，打得又睇得，另一方面佢打得好就印證有啲隊伍唔應該放走佢…不過筆者最想，都係「不要等，這一刻請買人」，加強中場同左後衛，咁就夠哂喇！未好哂，咪去篤下波先囉！卡仔，你去唔去？
http://www.youtube.com/watch?v=Pa8HLage5nA 一齊重溫下奧雲仔的經典入波啦(曼聯版)！