對維拉朗尼太漫不經心！ 精選

有人賽後咁樣話朗尼噃：「佢太唔小心，只要比賽勝局已定，佢就變得漫不經心，犯啲好低級嘅錯誤，太唔小心喇！不過我都明，只要打大戰、寸土必爭嘅比賽時朗尼就會醒神啲。打邊緣戰時佢真係一個不可多得嘅球員，不過可以更好！大局已定的比賽都係比賽呀。」大家應該都估到，講呢番話嘅係爵爺啦！
上場比賽成日交失波大家有眼見，唔好咁大安旨意噃！

朗尼自己都認同噃：「入兩球好好！不過我覺得自己發揮唔夠好。對韋根一戰更加係不堪入目啦，所以上仗我雖然未係打得好好，不過可以再拋離曼城都係一件好事！對維拉時我哋創造咗好多機會，而佢哋都救唔少波。所以一開始12碼入咗其實對穩定軍心有好大作用。到咗呢個形勢，對拖肥糖就變得好重要喇，只要全取三分，30號對曼城的比賽就會好有趣喇！」對愛華頓要的起心肝喇！

朗尼好啱，如果下場曼市雙雄都全取三分，即係餘下3場比賽、5分距離。只要曼市打比中紅魔一贏，就會立即封王！同一場比賽入面復仇成功、封王，甚至可以喺對手主場捧埋盃，點會唔有趣？最大嘅擔心，可能係足總唔容許曼聯於曼城捧盃啫！
小豆：曼城主場捧盃就好囉！