依家曼聯左閘好多人揀，就係艾夫拿、艾夫拿，同艾夫拿喇！話就話有個巴西小將法比奧，不過佢都係傷多過踢，而且好似唔多受爵爺重用，甚至佢已經親口證實下季會外借佢！
「下季我會外借法比奧，咁可以俾多啲一隊經驗佢。我同佢傾過架喇，佢都明白喺高水平比賽打正選對佢嘅成長好有幫助，所以佢都唔抗拒借去其他球會。如果只係睇外借，伊雲斯正正就係外借時打好個低先有咁大進步。12、13歲佢就入曼聯，好有潛質但未夠體能同經驗，所以先後借去安特衛普同新特蘭令伊雲斯有機會打多啲正選，今日就見到外借佢嘅好處喇。今時今日，如果話佢係英國最好嘅後衛都不為過！(爵爺你認真架？)」
不過連法比奧都借埋出去，其實有好大隱憂，萬一艾夫拿有咩大傷小病左後衛一職就無人補上，之前都仲話有個通天老倌奧沙可以頂得下，依家真係無得好揀。要史摩寧、鍾斯等人改造打左邊唔係唔得，不過唔係一時三刻可以改得到；到時要傑斯、楊格、蘭尼等等左中場打後一格都唔係長久辦法。唔通意味住今夏爵爺將會買個左閘？呢個就要等等先知啦！
「下季我會外借法比奧，咁可以俾多啲一隊經驗佢。我同佢傾過架喇，佢都明白喺高水平比賽打正選對佢嘅成長好有幫助，所以佢都唔抗拒借去其他球會。如果只係睇外借，伊雲斯正正就係外借時打好個低先有咁大進步。12、13歲佢就入曼聯，好有潛質但未夠體能同經驗，所以先後借去安特衛普同新特蘭令伊雲斯有機會打多啲正選，今日就見到外借佢嘅好處喇。今時今日，如果話佢係英國最好嘅後衛都不為過！(爵爺你認真架？)」
不過連法比奧都借埋出去，其實有好大隱憂，萬一艾夫拿有咩大傷小病左後衛一職就無人補上，之前都仲話有個通天老倌奧沙可以頂得下，依家真係無得好揀。要史摩寧、鍾斯等人改造打左邊唔係唔得，不過唔係一時三刻可以改得到；到時要傑斯、楊格、蘭尼等等左中場打後一格都唔係長久辦法。唔通意味住今夏爵爺將會買個左閘？呢個就要等等先知啦！
請按此登錄後留言。未成為會員? 立即註冊