團結是曼聯超班的原因！ 精選

曼市雙雄經昨晚一役距離拉開到8分！由曼城領先7分到現在曼聯反超前8分，大家應該留意到兩隊的精神層面有住非常唔同的一面，曼城有巴洛迪利、泰維斯等人的難以馴服，而文仙尼本身亦無法有效管理球隊，曼城裡裡外外都充滿了問題。反之，曼聯更衣室中的負面新聞不多，不但爵爺有功，隊員亦互相理解，令曼聯有能力維持爭標力量！
呢個真係炸彈嚟架...
有說好成績會令更衣室士氣增強，其實兩方都係相輔相乘。好似對布力般，雖然前80分鐘的表現麻麻，但球員沒有內耗爭吵，某程度上是曼聯可以取勝的關鍵。「經驗對於爭標好重要，有傑斯、史高斯一定好關鍵，不過都要年輕的球員夠虛心、肯學先得。再好波都要有學習精神，因為前人的經驗可以令一班年青球員行少好多路。」爵爺就咁講喇，而朗尼呢班小伙子亦真係學到嘢，急速成長同成熟，為曼聯帶多勝利的條件。
而陣中另一個大師兄里奧亦是曼聯的Icon之一，爵爺亦支持佢為英軍再次上陣，仲話英格蘭經驗最好的後衛非佢同泰利莫屬：「英格蘭後衛得泰利同里奧有經驗，其他都太年青了！所以里奧返英格蘭一定幫助好大，好似伊雲斯就係學到里奧先咁快進步。同之前啲白痴失誤相比，依家嘅伊雲斯真係打得好好！」
里奧會否再入英軍呢？