朗尼俾人的印象係熱血、脾氣差，同球證成日嘈，而且會因為嬲怒沖昏頭腦而報復其他球員的侵犯…以上各點都係啱嘅，不過係指以前嘅朗尼仔。依家嘅朗尼？睇數據最令人無說話好講：上次朗尼領黃，已經係10個月之前。上次朗尼領紅，已經係3年前。如果單計曼聯比賽，火爆的朗尼真係收哂火，打得有紀律、對隊友有影響力，將佢嘅熱血轉化成動力同正面態度，佢嘅成熟係大家有目共睹嘅。
而且佢對球隊嘅貢獻亦係不容忽視。朗尼的入波唔係咁穩定，好似過山車咁一時好多，一時就進入小入球荒，好似9月中開始到12月佢食足咁耐白果，不過對上9場波佢入咗11球，包括對車仔、熱刺、利物浦的重要入波。然而佢唔入波時曼聯的成績亦無滑落，因為朗尼往往係入球荒嘅時候做好多派牌同助攻嘅工作，幫助其他隊友入波維持曼聯的成績，直到佢重拾射門鞋。
爵爺都非常滿意朗尼嘅大進步：「有啲球員一到廿歲中間就會變得成熟，我見唔少啦！好似朗尼咁，26歲仔能力體能固然係非常好，仲夠哂成熟，可以控制到自己做最合適的事情。今季我期待佢可以攞到40個入波架。依家都31個囉(包哂球會同國家隊數字)，仲有8場聯賽，以佢依家當fit，一場入一粒好正常啫！英超年度最佳球員應該無佢份架喇，雲佩斯今季打得太好，不過朗尼絕對係今年曼聯年度最佳球員！」
帶領紅魔打贏布力般呀！http://www.youtube.com/watch?v=1o2webkNfY0&feature=related大家回味下朗尼兩度打破利記大門的影片啦！
而且佢對球隊嘅貢獻亦係不容忽視。朗尼的入波唔係咁穩定，好似過山車咁一時好多，一時就進入小入球荒，好似9月中開始到12月佢食足咁耐白果，不過對上9場波佢入咗11球，包括對車仔、熱刺、利物浦的重要入波。然而佢唔入波時曼聯的成績亦無滑落，因為朗尼往往係入球荒嘅時候做好多派牌同助攻嘅工作，幫助其他隊友入波維持曼聯的成績，直到佢重拾射門鞋。
爵爺都非常滿意朗尼嘅大進步：「有啲球員一到廿歲中間就會變得成熟，我見唔少啦！好似朗尼咁，26歲仔能力體能固然係非常好，仲夠哂成熟，可以控制到自己做最合適的事情。今季我期待佢可以攞到40個入波架。依家都31個囉(包哂球會同國家隊數字)，仲有8場聯賽，以佢依家當fit，一場入一粒好正常啫！英超年度最佳球員應該無佢份架喇，雲佩斯今季打得太好，不過朗尼絕對係今年曼聯年度最佳球員！」
帶領紅魔打贏布力般呀！http://www.youtube.com/watch?v=1o2webkNfY0&feature=related大家回味下朗尼兩度打破利記大門的影片啦！
請按此登錄後留言。未成為會員? 立即註冊