贏富咸？有運！ 精選

尋晚1:0撃敗富咸，曼聯就以3分的優勢重上榜首！不過過程其實幾驚險，特別係89分鐘卡域克於自己禁區犯規，就連爵爺自己都話一額汗，呢個12碼走得甩真係有運！
伊雲斯打爭氣波喇！大家支持佢啦！
賽後問到呢個12碼無判，爵爺都認為卡域克有踩到梅菲的腳踭，呢個可以係一個判罰。不過佢認為曼聯都應該獲判一個12碼：「球證今日尺度都幾鬆，上半場對方有一個禁區內的明顯手球，不過佢都無判。不過我認為卡域克的犯規都應該要判，我哋一直無法擴大比數，如果最後真係輸12碼而和波，唔單止卡域克有責任，成隊都應該有。」
艾夫拿都打得幾好
富咸領隊祖爾都話要係比賽尾段俾一個咁決定性嘅12碼係需要好大勇氣，佢都無怪球證：「我唔認為卡域克要為呢個犯規被趕出場，不過呢個一定係12碼。要俾呢個12碼需要好大勇氣，全場人包括爵爺都知道梅菲唔係插水。」

12碼逃過了，爵爺亦好滿意1:0的結果，仲形容呢個做「冠軍的素質」，因為每一戰都係硬仗，面對好難打的比賽仍可以1:0勝出，咁先可以攞冠軍！不過作為曼聯迷，梗係想見你霸氣嘅一面多過魚生粥啦…下次入多啲波，ok？
哎呀！咁唔小心？