瀟灑經理人：瀟灑哥今夏離開 精選

瀟灑哥係曼聯嘅路可能已經行到盡頭…根據保加利亞報章報導，貝碧托夫經理人丹切夫(Emil Danchev)已經確定，瀟灑哥下季將不會留在英超。消息指丹切夫與爵爺開咗3次會，而瀟灑哥已經接受咗一個事實：爵爺希望改革球隊風格，為曼聯注入更多的速度及活力。所以呢個爵爺的「五年計劃」中，只會有速度見稱嘅韋碧克、小豆同朗尼，貝碧托夫已經不在計劃之內。所以今個球季將會係貝碧托夫最後一個披上紅魔戰衣嘅球季。

瀟灑哥2008年加盟曼聯，至今上陣147次，攻入56球。傳言利華古遜、巴黎聖日耳門都對佢有興趣，不過丹切夫已表明瀟灑哥唔會去美國、日本或者阿聯酋繼續職業生涯。
走呀！你留我唔到架喇！