爵爺：真係醒哂先好對畢爾包！ 精選

為咗避免紅魔在歐洲賽二度出局，爵爺提醒球員對畢爾包時千祁唔好輕敵！曼聯今年打歐洲賽真係唔順，先於歐聯出局，而歐霸對阿積士時又輸埋，差啲「歐賽二次出局」，令爵爺不得不用力提醒下一眾紅魔鬼！

佢形容上仗對阿積士係一場勢力均等嘅比賽，打得好辛苦。而下場對嘅畢爾包依家喺西班牙氣勢如虹，對曼聯而言是一個大挑戰。所以一眾球員必須盡力一戰，擺脫今季歐戰失利嘅陰霾先有機會戰勝！佢仲話：

「畢爾包有好多西班牙球隊嘅優點，佢哋傳波好好，而且絕無恐懼之心，每次進攻都係全軍出擊，而且有好正面嘅態度，係呢幾年嚟最有實力嘅畢爾包，絕唔易對付！不過我哋都有好多高質素球員，好似迪基亞咁，雖然佢對利物浦時表現麻麻，不過之後都打得越來越好。佢訓練時表現好出眾，而且好快就熟適咗比賽節奏，一定會越打越穩健。而里奧費迪南表現都好好，而且後防都係默契先決，佢打得好，又同伊雲斯夾得耐咗，打起埋佢，令防守力增加唔少！」畢爾包依家西甲排第5，唔易應付架！
迪基亞：你咁信我，我梗有信心！
其實傷兵問題都一直好緊，卡華利同史摩寧已經同出戰畢爾包嘅隊友一齊操練，可能會上陣；而華倫西亞都已經獨自操練緊，應該好快傷癒復出！季尾有充足兵源，要應付兩線比賽應該無問題啦！
師兄！一齊加油！