里奧：聯賽？我當有11場決賽咁打！ 精選

聯賽進入最後三分一的階段，曼市雙雄已經領放咗10幾分的距離，冠軍已經成為紅藍之爭！而紅魔大將里奧費迪南重申，一班隊友絕不輕敵，已經有準備將餘下的11場聯賽場場都當決賽咁打，誓要分分攞盡、寸土必爭！
喂！唔好鬆懈呀！
佢係咁講：「我哋一直都係咁講，要奪標就係要多一分得一分！剛剛兩場作客賽事都唔易應付，不過我哋表現出應有嘅專業表現，而更重要嘅係要維持呢股精神直到季尾。而要做到呢點，就係每一場聯賽都當佢盃賽決賽咁打！


只要一直贏波，我哋就可以繼續向曼城施壓。上場對熱刺，大家都認為曼聯好大機會失分，因為呢兩年嘅熱刺真係好強勁。半場時爵爺叫我哋再打好啲，因為老實講上半場都幾一面倒：我哋被人壓住嚟打。好彩上半場尾段有朗尼入波做定心針，唔係都幾難搞。而見到楊格狀態返哂來，亦令我哋非常開心！佢未傷之前剛好狀態起飛，大家都驚佢要好耐先打得返起，依家唔駛擔心啦！」上仗唔易打架！
而問到點解今季追得咁貼、打得咁好，佢就講笑咁講，話秘訣係做同上季相反嘅事就得！不過講就咁講，紅魔唔止作客大有改善，到今日嘅作客賽事已經比上屆贏多好多，而主場亦有好強氣勢！不過作客比賽打得好固然重要，但有咩好得過4月作客曼城時報一箭之仇呢？
一定要作客擊敗曼城！