紅魔情迷中國餐館？？

曼聯陣中英國人佔嘅比例唔少，有好多大英倫地區嘅球員同員工，不過佢哋不約而同都係鍾情中國菜！而佢哋去得最多嘅，就係位於曼市嘅著名中菜館Wing's restaurant喇！餐館老闆係Wing Shing Chu，如果無錯就應該係朱永成喇！一聽就知係道地中國人啦！咁佢哋去食咩多嘅呢？

傑斯份人斯斯文文，打波又唔係狠辣，不過原來鍾意食辣嘢！佢去親呢到都會叫辣椒羊肉，而且食到人人都知佢鍾意食，仲幫老闆喺隻碟上面簽名做裝飾！碧咸都有簽「碟」架！而朗尼呢就鍾意香口嘢，椒鹽排骨就係佢嘅最愛！最令人估唔到嘅，係爵爺原來咬完成日香口膠之後都會去呢到食麵！睇落好豪華噃！
Wing's restaurant嘅椒鹽排骨
不過呢間中菜都唔平，點心平均都要50蚊港元一籠，灌湯餃成60幾蚊…英國本地人就話佢好好食喇，唔知啱唔啱香港人口味呢？大家去曼市玩不妨去試下呢間「紅魔餐館」呀！
呢籠嘢...真係值60蚊？
完場去食中菜啦！