爵爺：作客熱刺最難打！ 精選

爵爺認為昨天能夠擊敗熱刺，是聯賽中極為重要的一役，而對於與曼城的奪標戰，一眾紅魔絕對不會緊張！

昨天比賽熱刺發揮得真係唔錯，爵爺都承認贏波有啲幸運成份，不過佢亦認為今仗賽果係今季最令人滿意嘅。佢咁講：「我要承認，作客比賽入面呢場係最難打嘅比賽之一。熱刺主場成績極好，咁多場主場賽事只係輸過俾曼城，而佢哋主場嘅平均控球率達58%，可以知道呢場比賽有幾難打。呢場比賽令我哋更有把握奪得聯賽冠軍，我哋有經驗、享受比賽，迎戰熱刺的表現話俾大家知一眾紅魔已經準備好迎接最後的挑戰。我無分心架！雖然我想做英軍主帥...
鐵人鐘斯！
而傷兵問題都已經開始好轉，我哋有卡華利、史摩寧可以出陣對畢爾包的歐霸賽事，而曼聯的比賽亦已經進入直路，對西布朗、狼隊、富咸、布力般、昆士柏流浪、韋根、阿士東維拉同愛華頓之後，先會對陣曼城，所以今日而言我認為我哋聯賽上有好好嘅排位。」而第三位嘅熱刺已經同曼聯有11分的距離，如無意外都幾難追上曼市雙雄。究竟會唔會到最後一週先分到勝負？真係要睇下曼城對車路士同阿仙奴嘅比賽先知喇！
朗尼搞咩？