爵爺：摩迪是新史高斯！(附摩迪影片) 精選

爵爺眼中史高斯當然是極佳的中場，要佢復出就可見一斑！不過人總係會老，史高斯亦明顯未能跟上依家咁快嘅英超節奏，要搵後繼人係必須嘅。而眾多選擇之中，熱刺嘅中場大腦摩迪就係其中一個好好嘅選擇，爵爺更加指出佢係新史高斯，有史高斯嘅能力同才華！
佢咁講：「摩迪同史高斯同樣都係好有足球智慧嘅球員，而且感染力都一樣咁強，可以為隊友帶來正面影響，所以將佢哋擺埋一齊比較係好合理嘅。當然摩迪就係摩迪，史高斯就係史高斯，絕對係各有各特別啦，不過喺控制球賽嘅層面上，佢哋嘅素質好相近！佢哋嘅交波質素都係好穩定，而大家可能都會忽略咗嘅係摩迪嘅恐怖耐力！」
史高斯仲有料到架！
不過提到會唔會將摩迪帶入曼聯，爵爺就認為無可能喇，因為佢相信下年摩迪將會披上車路士波衫。佢認為車仔今年打得好好，所以有好多本錢可以買人，其中一個大收購將會係摩迪。唔通爵爺就咁就放人？定係只係以退為進，等摩迪諗下加盟曼聯嘅可能性？咁就不得而知喇。而好明確嘅事實返而係史高斯好有機會續多一年約，因為佢已經同爵爺傾過喇…你又點睇呢個消息呢？
摩迪？好味囉！(癲夠未劇情？？)http://www.youtube.com/watch?v=RG_CiVDCqV8有幾好味？睇下佢有幾似史高斯就知！