選特首？學下爵爺先啦！ 精選

爵爺接受訪問嘅技巧真係好強！曼聯對熱刺嘅比賽好重要，佢接受訪問時就用咗好好嘅技巧應對。講到應付傳媒，特首候選人真係要學下佢喇！爵爺咁講嘅：「對熱刺的比賽真係好重要！如果我哋可以挨得過呢場比賽就有好大機會贏到聯賽冠軍喇。最好對曼城時就係同佢哋同分啦，不過對陣時就算有兩分距離我都收貨！」
和波收貨！
講呢句說話嘅時候，唔係有人問佢問題，亦唔係有人引導佢諗對曼城嘅比賽，所以爵爺係早有預謀講呢句說話嘅。其實佢可以選擇好多內容，包括：曼聯10年來未係白鹿徑球場輸過波啦、幾星期前對車仔時追和的精神會繼續、傑斯900場上陣兼絕殺、曼城接下來要對好強的對手等等等等…不過爵爺都無選擇講呢啲，佢選擇咗”mind games”嘅說話，要大家留意對熱刺呢場比賽嘅重要性，仲用到「挨得過」呢個字眼，咁樣對紅魔有安定軍心的作用，同時又俾到壓力曼城。要知道「挨得過」即係和波都合格，咁樣可以舒緩到一眾紅魔嘅心理壓力，贏咗就可以當bonus。始終熱刺今季好強勢，如果太逼迫曼聯的球員可能會有反效果。
當然最好就好似上輪咁，3:0啦！
反之，爵爺的說話亦施加緊壓力俾曼城，同佢哋講：你唔好失分呀！我哋一定分分攞足，你一個失誤就會好危險！佢哋接住要對陣阿仙奴、車路士已經好難搞，而較為弱的隊伍黑貓新特蘭同史雲斯都唔係容易對付。話曼聯對曼城時仍有兩分距離都收貨，實際上係同曼城講「你過到車仔阿記先同我過招啦！」你話喇，要學好說話技巧，係唔係要學爵爺先！
阿仙奴有住擊敗熱刺嘅餘威，有無機打敗曼城？車仔都有機架！