朗尼：我要射爆曼城奪標夢！ 精選

喉嚨感染嘅朗尼上唔到陣，但係做訪問都仲得嘅！佢接受fifa.com訪問時表示，有信心自己嘅狀態絕對可以破壞曼城的奪標夢想！

今季朗尼已經有22球進帳，其中17球來自聯賽。而上仗打敗金絲雀之後，剩下的比賽有12場！朗尼就咁講：「個人而言，今季係我入波最多嘅球季之一，我希望我可以出陣更多，入更多波。衛冕英超冠軍當然是目標，而歐霸都係必須拿下的。我哋淨返呢兩個比賽要打，所以可以專心一致爭取勝利！歐聯出局係令人好沮喪，不過我哋聯賽仍佔有好好的位置，只要我繼續入波、球隊表現穩定，一定可以拉曼城落馬！」
而提到英格蘭國家隊，朗尼都有少少唔好意思，佢唔舒服唔打得週中對荷蘭的友誼賽啦，而亦因為停賽無法上陣歐國盃的首2陣比賽。不過佢對隊伍好有信心，話無論隊伍的團體精神、合作同能力都有進步，有能力創造歷史。加油呀朗尼！