朗尼:我要射爆曼城奪標夢!

曼聯專區 於 28/02/2012 發表 收藏文章
喉嚨感染嘅朗尼上唔到陣,但係做訪問都仲得嘅!佢接受fifa.com訪問時表示,有信心自己嘅狀態絕對可以破壞曼城的奪標夢想!

今季朗尼已經有22球進帳,其中17球來自聯賽。而上仗打敗金絲雀之後,剩下的比賽有12場!朗尼就咁講:「個人而言,今季係我入波最多嘅球季之一,我希望我可以出陣更多,入更多波。衛冕英超冠軍當然是目標,而歐霸都係必須拿下的。我哋淨返呢兩個比賽要打,所以可以專心一致爭取勝利!歐聯出局係令人好沮喪,不過我哋聯賽仍佔有好好的位置,只要我繼續入波、球隊表現穩定,一定可以拉曼城落馬!」

而提到英格蘭國家隊,朗尼都有少少唔好意思,佢唔舒服唔打得週中對荷蘭的友誼賽啦,而亦因為停賽無法上陣歐國盃的首2陣比賽。不過佢對隊伍好有信心,話無論隊伍的團體精神、合作同能力都有進步,有能力創造歷史。加油呀朗尼!
標籤: 朗尼  曼聯  曼城  英超  英格蘭國家隊  

留言


請按此登錄後留言。未成為會員? 立即註冊
    快捷鍵:←
    快捷鍵:→