一億英磅，即係幾多？即係大約12億2千萬港元左右，可以喺九龍塘買到17個2千尺地庫咁上下啦！不過點因咩事6個月之內銀行無咗咁多錢？原因有幾個，主要係嚟自買球員、改善球場設施，同最令人唔想見到嘅：幫格拉沙家族買返啲債券…
呢個地庫？17個左右啦...改善球場設施其實都好嘅...
衛報報導，曼聯過去六個月銀行儲備無咗1億英磅，入面有4千7百萬用喺鍾斯、迪基亞同楊格身上，而530萬用嚟買債券。好似唔多，不過原來至今格拉沙家族已經用咗9千2百萬英磅幫自己還債，簡單嚟講，就係將c朗拿度嘅轉會費用哂。而且數目仲遠多於此數，曼聯球迷組識「曼聯支持者信託基金」(Manchester United Supporters Trust)就發表聲明咁講：「唔計c.朗的轉會收入，格拉沙家族攞咗曼聯2億2千幾萬英磅去還自己的街數同俾利息，合唔合理？多咗嘅2億2千幾萬英磅可以做好多嘢，啲波飛可以賣平啲、球場可以整靚啲、可以有多啲資源訓練有潛質球員等等，我哋同歐洲足球列強嘅距離格拉沙家族一定有責任！」曼聯迷唔鍾意格拉沙人人都知架喇...
唔好計老細大洗，其實曼聯係有錢賺架。好似上年曼聯的收入係1.56億英磅，今年已經有1.75億英磅。收入好多都係來自電視轉播同商業廣告嘅，好似同DHL合作出嘅訓練用波衫就賺唔少。所以睇返其他球隊好似曼城、車仔咁，大老細都係大水喉，返而曼聯大老細就相反，都唔難明白點解爵爺唔敢大手買人嘅。大家諗下，買埋史奈達隨時無錢出糧俾班球員！不得不讚下爵爺：硬米煮硬飯都買到好嘢，鍾斯、迪基亞都有好好嘅性價比，爵爺你係得嘅！
理財有道，爵爺好嘢！
呢個地庫？17個左右啦...改善球場設施其實都好嘅...
衛報報導，曼聯過去六個月銀行儲備無咗1億英磅，入面有4千7百萬用喺鍾斯、迪基亞同楊格身上，而530萬用嚟買債券。好似唔多，不過原來至今格拉沙家族已經用咗9千2百萬英磅幫自己還債，簡單嚟講，就係將c朗拿度嘅轉會費用哂。而且數目仲遠多於此數，曼聯球迷組識「曼聯支持者信託基金」(Manchester United Supporters Trust)就發表聲明咁講：「唔計c.朗的轉會收入，格拉沙家族攞咗曼聯2億2千幾萬英磅去還自己的街數同俾利息，合唔合理？多咗嘅2億2千幾萬英磅可以做好多嘢，啲波飛可以賣平啲、球場可以整靚啲、可以有多啲資源訓練有潛質球員等等，我哋同歐洲足球列強嘅距離格拉沙家族一定有責任！」曼聯迷唔鍾意格拉沙人人都知架喇...
唔好計老細大洗，其實曼聯係有錢賺架。好似上年曼聯的收入係1.56億英磅，今年已經有1.75億英磅。收入好多都係來自電視轉播同商業廣告嘅，好似同DHL合作出嘅訓練用波衫就賺唔少。所以睇返其他球隊好似曼城、車仔咁，大老細都係大水喉，返而曼聯大老細就相反，都唔難明白點解爵爺唔敢大手買人嘅。大家諗下，買埋史奈達隨時無錢出糧俾班球員！不得不讚下爵爺：硬米煮硬飯都買到好嘢，鍾斯、迪基亞都有好好嘅性價比，爵爺你係得嘅！
理財有道，爵爺好嘢！
請按此登錄後留言。未成為會員? 立即註冊