列納：我會召回史高斯 (附青年史高斯影片) 精選

哈利列納成為下任英格蘭領隊大熱，就連朗尼佢哋都支持！如果真係眾望所歸，佢心目中有咩人選呢？睇嚟佢同爵爺嘅睇法都幾相似，經驗行先！而首選嘅，竟然係重召已經於國際賽退休嘅史高斯！佢咁講：

「年紀？唔重要嘅。你睇下史高斯，佢真係好得！大家都會想係歐國盃見到佢。佢嘅表現可以媲美沙維、恩尼斯達，真係好值得叫返佢返嚟！除咗佢，林柏特都係一級球員，絕對應該幫英格蘭打天下。謝拉特都好好架！我哋有好多中場可以選擇，如果要贏波一定要有呢班有性格嘅球員先得。你兩個...都夠哂年資啦！
你就更加經驗爆棚！
當然我心目中都有其他球員架，好似柏加咁，佢直情可以做埋隊長！揀隊長都係好難嘅事，柏加、謝拉特都係選擇之一。不過，都係史高斯最好！」
朗尼：你都係唔夠史高斯咁好！

其實史高斯早在2004年已經退出國家隊專心曼聯的比賽，事隔8年，如果佢真係出返山，驚訝程度真係爆哂燈！不過哈利叔係唔係出任英格蘭主帥仍是未知之數，更加唔好講史高斯啦！不過照咁睇，睇呢單新聞最開心嘅應該唔係史高斯，亦唔係林伯同謝老四，而係碧咸！萬人迷希望出戰英格蘭國家隊是人所共知的事，如今史高斯都有機會獲重召，碧咸的機會當然亦唔細！不過咁嘅人腳，條中場線就會變成林伯、謝老四、史高斯、碧咸同柏加…一條168歲嘅中場線，個個年紀都過31，你又驚唔驚呢？呢幕久違喇！
碧咸：要埋我啦哈利叔！http://www.youtube.com/watch?v=SKTjh4ZxV2A一齊睇史高斯的第一個國家隊入波啦！