傷員消息：卜比查爾頓手術成功返回奧脫福 精選

消息指卜比查爾頓周二接受手術，手術成功之餘人亦已經返回奧脫福。不過…曼聯有球員名為卜比查爾頓咩？球員就無喇，呢位要「入廠」嘅係貨真價實的卜比查爾頓卜比sir！

卜比sir原本係參加2月6日舉行的勞倫斯世界體育大獎，佢自己當然有獎攞啦！仲係「終身成就獎」添！不過卜比sir星期日已經感覺有啲唔舒服，所以獎都無攞就返咗曼徹斯特做手術…不過大家唔駛擔心，小手術而已，外界都估計佢係做咗個移除膽石嘅手術。
勞倫斯世界體育大獎都幾大陣仗架！
爵爺都知大家擔心，出來同大家交待事件：「卜比sir無咩事，不過大家都認為佢唔好攞獎住喇，乖乖哋返曼徹斯特休息好啲！無得出席攞獎，佢老人家當然好唔開心啦！不過我會幫佢攞個獎…返屋企俾佢架喇！」

小檔案：
勞倫斯世界體育大獎有體壇奧斯卡之稱，今年「最佳隊伍」獎項由巴塞奪得，而網球好手祖高域就得到「最佳男運動員」獎項。「最佳女運動員」就由中距離跑手切魯依約特奪得。而頒獎禮…其實在倫敦舉行而已。
「最佳男運動員」，chok過亞太區最佳男歌手啦
「最佳女運動員」切魯依約特就係爆冷喇！