車曼大戰龍門係…賓艾莫斯？？(附傷兵最新消息及賓艾莫斯訓練影片) 精選

賓艾莫斯(Ben Amos)是誰？咪就係曼聯的三號門將囉！幾時見過佢？其實上仗對史篤城已經係佢打龍門架喇！點解係佢？因為連尼加特訓練時受傷，要抖四星期；而迪基亞又傷咗未好返…龍，總係要有人打嘅！咁車仔場波點算？可能就係賓艾莫斯再出陣的時候喇！
我真係傷得唔及時...賓艾莫斯！比起幾年前，佢大隻咗好多！

21歲仔嘅賓艾莫斯雖然人仔細細，不過態度好正面架！佢係曼聯青訓產品，11歲已經成為紅魔，至今十年苦讀，終於正選有名喇！佢接受訪問時話：「我等咗呢個機會好耐！不過我好有信心，有能力可以打足一季！我無嘢輸架，每次出場都try my best就夠！雖然爵爺先係決定出場球員嘅人，不過我知道我打得好就會俾到壓力其他龍門！」
講返車曼大戰，爵爺話朗尼同蘭尼應該都會趕得切返回賽場，攻力方面有補充！不過因為連尼加特、迪基亞都有傷在身，可能要賓艾莫斯頂上。不過亦有消息指迪基亞可能可以趕及星期日的大戰傷癒復出，所以係唔係賓艾莫斯其實都要等消息！而楊格其實都好哂架喇，不過抖得耐，都要操返先有比賽狀態，所以未係時候住…隨住傷兵陸陸逐逐好返，希望曼聯可以越打越好啦！
http://www.youtube.com/watch?v=bqG9hX-UgTU呢段係英格蘭小國腳的訓練！賓艾莫斯唔係少嘢架！
少最後round up…其實成件事詩人獨憔悴嘅，既唔係連尼加特、亦唔係迪基亞、賓艾莫斯，而係…古斯錫呀…佢上仗都有出現架，不過只係後備名單之中，意味住佢只係曼聯的第四號門將…連後生仔都上咗位，古斯錫今次真係有苦自己知喇…
點解...又唔記得我...