賽前預告：曼聯主場對戰史篤城

凌晨4:00曼聯主場對史篤城就會於奧脫福上演，同時仲會有愛華頓主場迎戰曼城！
曼城今晚會點呢？
焦點
最近曼聯的表現比較不穩，上仗敗予利物浦已經是近6場比賽的第3場敗仗，有必要實實在在的打返起狀態。而對手史篤城自聖誕起，至今只吃了一場敗仗，氣勢方面史篤城較強。然而數據上當然是紅魔一面倒，英超成立至今曼聯對史篤城未曾一敗，而且近7場奧脫福的對賽中史篤城都未入過曼聯波。

傷兵
呢個先係曼聯的隱憂，安達臣、楊格已經回到訓練場，不過仍未係時候上陣；而朗尼、蘭尼、鍾斯三將上陣機會亦微，維迪、奧雲、費查、卡華利是一定未能上陣的十字軍。加加埋埋都已經有9個傷兵了。好彩嘅係，上仗坐喺後備席成場波嘅里奧，今仗應該可以出陣。反觀史篤城，只有艾法寧頓有傷在身，陣容是史篤城較齊。無你地...好易啞火

危險人物
要數，就係高佬高治！就係佢嘅入波，令史篤城於上年九月的比賽逼和作客嘅曼聯。6尺7寸高嘅佢，絕對係史摩寧、伊雲斯等等「新世紀中堅」的惡夢！(見另稿”史摩寧+伊雲斯=未來曼聯中堅組合？？”)不過只要阻止到史篤城高Q大腳的打法，咁就可以緩解後防的壓力。高治上年九月的入波...