今期老將當紅，先有阿仙奴亨利復出入波奠勝，再有曼聯史高斯復出入波，助曼聯勝出對保頓的賽事，你又點睇呢班老黃忠嘅表現呢？
乘住FA cup擊敗曼城的氣勢，大家都可能唔記得曼聯之前連敗兩場聯賽賽事，其實上仗已經不容許再敗。不過睇上半場的表現，可能大家都會好肉緊，打得好緊逼好進取，不過就係入唔到波，咁點算呢？就喺呢個時候，復出的史高斯就接應朗尼的傳中射入，打破了僵局。由呢個入波開始，大家唔難諗到爵爺一定再一次重用史高斯，然而呢個係唔係好選擇呢？
對曼城朗尼入波！仲有韋碧克！
睇返場波，上半場史高斯其實同之前的表現好一致：打得麻麻…見到佢，曼迷真係又愛又恨，每次見佢喺鵝眉月攞波都會不期然大叫：射波啦史高斯！不過佢偏偏就走去回傳…而依家嘅史高斯仲有一個問題，甩波同傳失波嘅情況真係好密，要佢控制場波嘅節奏已經無以前咁易。上仗情況好啲，原因係保頓逼得唔前，無用好體力化嘅打法企圖衝散紅魔嘅組織，所以史高斯可以打得輕鬆啲，仲有機會可以推前到禁區入面爭取射門機會。如果好似尋日擊敗阿仙奴嘅史雲斯咁步步進逼，史高斯就好難可以保護到腳下球。所以理性而言，出史高斯的話場合好重要，必須揀選過對手先可以俾佢落場…不過，前兩年的經驗話我哋知，爵爺要史高斯落場係唔講理唔理性嘅…呢球入波...奠定史高斯正選地位？
史高斯出陣對曼聯的好處、壞處筆者都唔敢莽下判斷，不過老大哥嘅足球精神絕對係一班後輩嘅好榜樣。連尼加特透露，史高斯在更衣室同訓練場上都有絕佳嘅態度。佢咁講：「訓練時史高斯一定係最早到達訓練場地嘅人，佢未掛靴前係咁，復出之後一樣係咁。而且佢少說話多做事，一係唔講，一講就到位。無論更衣室入面有幾嘈，佢一開口大家一定靜哂，因為人人都會留心佢講咩。佢嘅經驗真係無價，佢太了解曼聯，太了解不同時候球員要面對咩境況。有佢提點同鼓勵大家，士氣同氣氛真係好好多！」連尼加特大讚史高斯態度絕佳
http://www.youtube.com/watch?v=WHnSXeTIoPk再睇下佢復出嘅第一個入波啦！
曼聯專區編輯
乘住FA cup擊敗曼城的氣勢，大家都可能唔記得曼聯之前連敗兩場聯賽賽事，其實上仗已經不容許再敗。不過睇上半場的表現，可能大家都會好肉緊，打得好緊逼好進取，不過就係入唔到波，咁點算呢？就喺呢個時候，復出的史高斯就接應朗尼的傳中射入，打破了僵局。由呢個入波開始，大家唔難諗到爵爺一定再一次重用史高斯，然而呢個係唔係好選擇呢？
對曼城朗尼入波！仲有韋碧克！
睇返場波，上半場史高斯其實同之前的表現好一致：打得麻麻…見到佢，曼迷真係又愛又恨，每次見佢喺鵝眉月攞波都會不期然大叫：射波啦史高斯！不過佢偏偏就走去回傳…而依家嘅史高斯仲有一個問題，甩波同傳失波嘅情況真係好密，要佢控制場波嘅節奏已經無以前咁易。上仗情況好啲，原因係保頓逼得唔前，無用好體力化嘅打法企圖衝散紅魔嘅組織，所以史高斯可以打得輕鬆啲，仲有機會可以推前到禁區入面爭取射門機會。如果好似尋日擊敗阿仙奴嘅史雲斯咁步步進逼，史高斯就好難可以保護到腳下球。所以理性而言，出史高斯的話場合好重要，必須揀選過對手先可以俾佢落場…不過，前兩年的經驗話我哋知，爵爺要史高斯落場係唔講理唔理性嘅…呢球入波...奠定史高斯正選地位？
史高斯出陣對曼聯的好處、壞處筆者都唔敢莽下判斷，不過老大哥嘅足球精神絕對係一班後輩嘅好榜樣。連尼加特透露，史高斯在更衣室同訓練場上都有絕佳嘅態度。佢咁講：「訓練時史高斯一定係最早到達訓練場地嘅人，佢未掛靴前係咁，復出之後一樣係咁。而且佢少說話多做事，一係唔講，一講就到位。無論更衣室入面有幾嘈，佢一開口大家一定靜哂，因為人人都會留心佢講咩。佢嘅經驗真係無價，佢太了解曼聯，太了解不同時候球員要面對咩境況。有佢提點同鼓勵大家，士氣同氣氛真係好好多！」連尼加特大讚史高斯態度絕佳
http://www.youtube.com/watch?v=WHnSXeTIoPk再睇下佢復出嘅第一個入波啦！
曼聯專區編輯
請按此登錄後留言。未成為會員? 立即註冊