「瀟灑哥」要返利華古遜?

曼聯上場大勝韋根 5:0，除咗分數上追成同曼城平手，令紅魔迷好開心之外，相信另一個令大家高與嘅，就必定係 貝碧托夫 個人連中三元喇…事關「瀟灑哥」今年晌曼聯無咗正選位置，讓位俾「小豆」，就連第三前鋒之位都保唔到，俾韋碧克搶咗晌手，淪為第4前鋒，令到出場機會少之有少…去到韋根一仗有得正選上陣，又交到好表現，真係令一眾紅魔迷好懷念呢位去屆神射手…

呢位去屆神射手，今季出場機會非常之少..差不多已淪為第4前鋒...

之但係晌大家高與之時，突然間又傳出佢會轉投返舊東家利華古遜嘅消息，德國《圖片報》詢問咗貝碧托夫的經理人。經理人話：「貝碧托夫從來冇忘記過利華古遜，雙方之間嘅關係一直好好。呢個唔係一個傳聞，利華古遜的確有意將貝碧托夫帶回去。雙方都就過此事進行過接觸，但係依家仲未有實質性嘅進展。一切都要睇睇曼聯到底怎樣打算。」

利華古遜有意收回舊將...

貝碧托夫同曼聯嘅4年合约，將於2012年6月到期。按合约規定，曼聯晌2012年之前主動提出續約一年，「瀟灑哥」就要接受，但如果唔提出，晌2012年1月1日開始，貝碧托夫就可以同其他球會談自由轉會。對於有意帶回「瀟灑哥」，利華古遜主席就話喇：「我哋之間接觸進展得好順利，但係目前還未做出最終決定。事關我聽到有報導話，曼聯似乎有意同貝碧托夫續約。」

相信「瀟灑哥」一事，好快自有分曉…因為仲有幾日，就踏入2012年…