曼聯有機會重返歐聯? 精選

曼聯明明歐聯出咗局，要去打歐霸，但點解又話曼聯有機會打歐聯? 大家無睇錯，曼聯真係有機會打返歐聯…

事緣瑞士球會錫永因為晌在今夏唔理轉會禁令，羅致咗6名球員，並派咗佢地問歐霸盃上陣，早前已俾歐洲足協踢出咗歐霸盃，國際足協更要求瑞士足總處罰錫永，否則就禁止瑞士球會同國家隊參加國際賽，咁即係話如果真係成事，巴素爾就有機會被禁止出戰歐聯，而已出局嘅曼聯，就有機會重返喇。

就係最後一場守唔到輸咗，令到曼聯要打歐霸...

按照國際足聯嘅要求，瑞士足協必須晌1月13日之前將錫永從瑞士聯賽嘅註冊名單中劃除。如果屆到限期時仲未進行，咁瑞士足協以及所屬球隊，就會晌2012年1月14日起，遭到全面禁賽處罰。

但講就咁講，各位紅魔迷都係唔好抱有期望，雖然瑞士足總依家拒絕屈服，不會懲罰涉嫌派違規球員上陣的錫永，之但係英國《太陽報》就講，晌1月13日截止日期前，國際足聯和瑞士足協應該可以達成和解協定。一位不願透露姓名的內部人士仲話：「曼聯不應該對重返歐聯有任何幻想。」

大家不妨又等到1月13日，睇下到時又會係點?
仲令到維迪休季...