上仗戰勝史雲斯一役爵爺排出半力的陣容，以1:0勝出，數落已經係英超第3場1:0喇…見到呢個情況，真係覺得爵爺同文仙尼倒轉咗，之前爵爺崇尚free score，放心俾班球員攻，入得幾多就幾多；而文仙尼就鍾意一球起一球止，贏就夠。不過依家好明顯就係倒轉咗！
身為曼聯重臣的費查就認為敗於曼城之後，紅魔專心一致防守令攻力大減，雖然換來連續5場比賽不失球，但攻守的比例已經失衡，應該再作調整。佢咁講：「對曼城失利之後，我們要令失波嘅陰霾儘快消失，而我哋已經做得非常好。咁係因為我哋唔單止可保不失球，仲繼續贏波，咁對球隊嘅信心有加強作用。不過我感覺有啲做得過咗火，係時候令曼聯嘅攻擊力再一次加強番。」
其實曼聯今季真係唔可以睇少，唔覺唔覺原來已經係18年來第2好嘅開季。由1993年開始，只有2006-2007球季頭12場波入面攞分多過今季！不過依家嘅防守戰術係有代價嘅，朗尼開季神勇無匹5場入9球，不過今日佢已經6場波無入過波，而原因好可能係因為佢打後咗好多，甚至係打埋中場，以配合爵爺嘅超保守戰術。朗尼入多啲波啦！
對於超保守戰術，守將維迪都認為有必要改變。佢話：「我哋係曼聯，絕對唔係入1球就死守的球隊，我哋有必要入多啲波，帶來更有娛樂性嘅比賽俾紅魔球迷。不過對依家嘅表現我哋都幾滿意，因為球隊嘅狀態真係麻麻，呢個時候能夠贏到波都係非常重要嘅。」
維迪費查都明！大家放心啦！
其實依家嘅狀況，紅魔絕對係應該先考慮贏波，因為曼城強勢仍然未有被挑戰到的嘅跡象，狀態好到喜鵲咁都要輸俾佢哋，曼聯真係要攞盡每一分先可以避免被拋離太遠。不過大家都唔駛擔心，上一季呢個階段紅魔都被車路士拋離4分，而一眾球員都保持住爭勝決心，最後終於都取得最後勝利！而既然維迪費查都明白依家曼聯攻守失衡，相信好快就可以調整到，勇不可當嘅曼聯應該好快返嚟喇！
上仗攻力已經有起色！加油！
身為曼聯重臣的費查就認為敗於曼城之後，紅魔專心一致防守令攻力大減，雖然換來連續5場比賽不失球，但攻守的比例已經失衡，應該再作調整。佢咁講：「對曼城失利之後，我們要令失波嘅陰霾儘快消失，而我哋已經做得非常好。咁係因為我哋唔單止可保不失球，仲繼續贏波，咁對球隊嘅信心有加強作用。不過我感覺有啲做得過咗火，係時候令曼聯嘅攻擊力再一次加強番。」
其實曼聯今季真係唔可以睇少，唔覺唔覺原來已經係18年來第2好嘅開季。由1993年開始，只有2006-2007球季頭12場波入面攞分多過今季！不過依家嘅防守戰術係有代價嘅，朗尼開季神勇無匹5場入9球，不過今日佢已經6場波無入過波，而原因好可能係因為佢打後咗好多，甚至係打埋中場，以配合爵爺嘅超保守戰術。朗尼入多啲波啦！
對於超保守戰術，守將維迪都認為有必要改變。佢話：「我哋係曼聯，絕對唔係入1球就死守的球隊，我哋有必要入多啲波，帶來更有娛樂性嘅比賽俾紅魔球迷。不過對依家嘅表現我哋都幾滿意，因為球隊嘅狀態真係麻麻，呢個時候能夠贏到波都係非常重要嘅。」
維迪費查都明！大家放心啦！
其實依家嘅狀況，紅魔絕對係應該先考慮贏波，因為曼城強勢仍然未有被挑戰到的嘅跡象，狀態好到喜鵲咁都要輸俾佢哋，曼聯真係要攞盡每一分先可以避免被拋離太遠。不過大家都唔駛擔心，上一季呢個階段紅魔都被車路士拋離4分，而一眾球員都保持住爭勝決心，最後終於都取得最後勝利！而既然維迪費查都明白依家曼聯攻守失衡，相信好快就可以調整到，勇不可當嘅曼聯應該好快返嚟喇！
上仗攻力已經有起色！加油！
請按此登錄後留言。未成為會員? 立即註冊