奧雲傷6個禮拜!!! 盃賽殺手之位搵邊個頂???

奧雲晌主場2: 0贏加拉治嘅比賽入面，上陣咗10分鐘，就因協助曼聯取得首個入球，而弄傷大腿。當時菲爾鍾斯右路傳中，奧雲飛到盡去到前柱接應，雖然佢最終掂唔到個波，但佢嘅走位，引開咗加拉治嘅守衛，為華倫西亞製造咗入球，令佢輕鬆射入空門。

就係呢場波，令奧雲要傷6個禮拜...

費sir初初以為奧雲個傷勢唔係咁嚴重，諗住佢好快就出得番嚟，點知呢幾日曼聯公佈：「奧雲拉傷咗大腿肌肉，要缺陣大約6個禮拜。」即係佢最少要缺陣去到聖誕，先有機會復出。

其實對依家曼聯嚟講，奧雲傷咗，對聯賽同歐聯應該都唔係好大影響，事關相信費sir都會繼續以朗尼、「小豆」同埋韋碧克晌呢2條戰線上廝殺…影響嘅就只有聯賽盃同埋聖誕加開快車之期。聖誕加開快車之期，奧雲缺陣，影響費sir輪換，相信佢無傷嘅話，以費sir對佢嘅信心，佢一定會派佢落場…

奧雲2場盃賽入3球，絕對係盃賽殺手...

講到影響，對聯賽盃嘅影響應該就大些…曼聯晌英國時間11月30日會晌聯賽盃賽事，主場對住水晶宮，雖然對方係低一級組別，但如果有2場入3球嘅奧雲在陣，都贏波有幾大幫助…事關有貝碧在陣，佢分波後，奧雲可以憑佢走位攞到入波…依家佢傷咗，唔知邊個可以頂佢個位…當然貝碧托夫有入球保證，但相信要貝碧托夫打單箭頭，確實有點吃力，所以費sir應該會派人頂奧雲個位，而熱門應該係馬捷達 同埋 馬美迪奧夫 兩者之一。

　　　　　　　　馬捷達　　馬美迪奧夫
今季上陣(入球)　　1(0) 　　　2(0)
合共為曼聯上陣　28(4)　　　 8(1)　　


大家又睇好馬捷達，定馬美迪奧夫呢?