曼聯一月第一簽：15歲小伙子佩雷拉？

安德里亞斯佩雷拉(Andreas Hoelgebaum Pereira)係邊個？相信大家都好陌生，不過呢位15歲嘅小朋友接受傳媒訪問時就透露自己即將入魔！

呢位比利時嘅小將9歲時已經在PSV燕豪芬青年軍效力，而佢嘅潛力得到唔少大球會的垂青，包括阿仙奴、利物浦同車路士。不過佢表示已經與曼聯簽下3年半的約，將於1月走入夢劇場。而佢講述嘅加盟過程，令人感覺似曾相識：佩雷拉去過曼聯幾次，其中一次直接同爵爺對話，由爵爺親自出馬遊說佩雷拉加盟，情況就同當年爵爺親自去傑斯屋企三顧草蘆一樣！所以睇嚟呢粒「明日之星」空降曼聯的新聞實在信得過！
而佢自己都非常有自信，話自己係：「天生的進攻中場，是真正的10號仔。我鍾意助攻同入波。」衛報甚至形容佢為新一代中最有天份的其中之一，唔知佢係唔係真係咁勁呢？即刻睇片...

技術篇：
http://www.youtube.com/watch?v=rO2pX8hYcfQ
正式比賽篇：
http://www.youtube.com/watch?v=-g19OOWoxHU

講開又講，原來燕豪芬都幾鍾意俾勁人曼聯架，雲尼斯特萊、史譚、朴智星都係打燕豪芬出身架。希望今次都入到荀貨啦！

來源：衛報