自從紅魔敗陣曼城之後，筆者一直都打唔起精神…好在上星期小勝拖肥糖，終於都叫做心情好返啲，有返心機慢慢分析下曼聯的爭標情況！其實，到呢一刻我哋形勢絕對不壊！
先講下整體形勢先，曼城位列榜首，曼聯緊隨其後，要追趕對手已經是必然的事實，不過再睇睇積分表，就會發現一件事：位處於榜首頭七位的分別是曼城、曼聯、車路士、紐卡素、熱刺、利物浦同阿仙奴！即係點？即係除咗紐卡素之外，首循環中紅魔已經對過哂榜首的5隊球隊，取得3勝1和1敗的成績，可謂不過不失！餘下的都是積分榜之中較後的隊伍，只要發揮正常，要維持強勢應該不難。反觀同市的曼城，榜首6隊之中只係對戰過曼聯及熱刺，仍未真正面對其他強隊的挑戰。當然唔係要望天打掛要人哋打贏曼城啦！不過只要我哋謹守崗位，打出水準，迎頭趕上的機會絕對唔細！快啲重拾呢個氣勢啦！
打低車仔都大振士氣架！
而人腳方面，一眾新紅魔已經明顯打出身價，包括已經明顯踏穩腳步的迪基亞；與及進可攻退可守、後衛防中都能勝任的鐘斯，他們好明顯應該成為新曼聯的核心之一。而小豆愈來愈多關鍵入波亦影響曼聯的表現，因為無論甚麼年代的紅魔，一位關鍵入球者都是好重要的：蘇斯克查、史高斯、泰維斯，都是出名的絕殺球員。現在有了小豆成為突破僵局的球員，紅魔在球賽最後十數分鐘奠勝的把握又增強不少。當然問題不是沒有，中場的創造力低下、缺乏一個核心的領軍人物確實令曼聯吃下不少苦頭。然而要改變這個情況，一係就在1月轉會市場再開時引入強援，一係就強化基華利的中場領軍能力。筆者其實對新球員的加盟抱不太大的期望，因為大家應該都見到爵爺仍然想重用費查、卡域克等人，未必有買入新球員的意欲。所以…基華利，我地靠你喇！
小豆真係好有殺手觸覺！
最後，筆者反而有啲擔心朗尼嘅狀態…呢兩場佢明顯跌咗watt，而佢一跌watt其實好易睇，就係愈打愈後…呢兩場佢好專心咁做分牌派牌嘅工作，好稱職，而且睇得都幾通透，啲直線傳送一樣咁毒，不過問題係…佢係前鋒呀！打得咁後，咪即係打4411？甚至451？咁會將進攻嘅力量大打折扣！其實筆者感覺爵爺應該好好諗下呢個問題，朗尼應該轉型打中場或者攻中？定係由佢打自由人？唔同嘅身份都要唔同嘅隊友配合，會唔會又影響咗其他球員嘅默契呢？其實我就好想見到佢轉型做攻擊中場，配雙前鋒又得，單箭頭又得！得咗！你又點睇呢？
醒呀！醒呀！幅相就舊啲，不過...紀錄係唔會變嘅！蘭尼真係有效率過C朗架！
同場加映溫馨一幕！
來源：曼聯專區編輯
先講下整體形勢先，曼城位列榜首，曼聯緊隨其後，要追趕對手已經是必然的事實，不過再睇睇積分表，就會發現一件事：位處於榜首頭七位的分別是曼城、曼聯、車路士、紐卡素、熱刺、利物浦同阿仙奴！即係點？即係除咗紐卡素之外，首循環中紅魔已經對過哂榜首的5隊球隊，取得3勝1和1敗的成績，可謂不過不失！餘下的都是積分榜之中較後的隊伍，只要發揮正常，要維持強勢應該不難。反觀同市的曼城，榜首6隊之中只係對戰過曼聯及熱刺，仍未真正面對其他強隊的挑戰。當然唔係要望天打掛要人哋打贏曼城啦！不過只要我哋謹守崗位，打出水準，迎頭趕上的機會絕對唔細！快啲重拾呢個氣勢啦！
打低車仔都大振士氣架！
而人腳方面，一眾新紅魔已經明顯打出身價，包括已經明顯踏穩腳步的迪基亞；與及進可攻退可守、後衛防中都能勝任的鐘斯，他們好明顯應該成為新曼聯的核心之一。而小豆愈來愈多關鍵入波亦影響曼聯的表現，因為無論甚麼年代的紅魔，一位關鍵入球者都是好重要的：蘇斯克查、史高斯、泰維斯，都是出名的絕殺球員。現在有了小豆成為突破僵局的球員，紅魔在球賽最後十數分鐘奠勝的把握又增強不少。當然問題不是沒有，中場的創造力低下、缺乏一個核心的領軍人物確實令曼聯吃下不少苦頭。然而要改變這個情況，一係就在1月轉會市場再開時引入強援，一係就強化基華利的中場領軍能力。筆者其實對新球員的加盟抱不太大的期望，因為大家應該都見到爵爺仍然想重用費查、卡域克等人，未必有買入新球員的意欲。所以…基華利，我地靠你喇！
小豆真係好有殺手觸覺！
最後，筆者反而有啲擔心朗尼嘅狀態…呢兩場佢明顯跌咗watt，而佢一跌watt其實好易睇，就係愈打愈後…呢兩場佢好專心咁做分牌派牌嘅工作，好稱職，而且睇得都幾通透，啲直線傳送一樣咁毒，不過問題係…佢係前鋒呀！打得咁後，咪即係打4411？甚至451？咁會將進攻嘅力量大打折扣！其實筆者感覺爵爺應該好好諗下呢個問題，朗尼應該轉型打中場或者攻中？定係由佢打自由人？唔同嘅身份都要唔同嘅隊友配合，會唔會又影響咗其他球員嘅默契呢？其實我就好想見到佢轉型做攻擊中場，配雙前鋒又得，單箭頭又得！得咗！你又點睇呢？
醒呀！醒呀！幅相就舊啲，不過...紀錄係唔會變嘅！蘭尼真係有效率過C朗架！
同場加映溫馨一幕！
來源：曼聯專區編輯
請按此登錄後留言。未成為會員? 立即註冊